Libre lang ang mangarap bakit hindi mo pa lakihan ang pangarap mo?

‘Wag kang matakot mangarap. Ang mga pangarap mo ang magbibigay ginhawa sa’yo. Paano? Ang mga pangarap mo ang magiging basehan mo kung ano ang gusto mong marating. Maaaring iyan din ang maging motivation mo upang pagbutihan ang iyong mga gagawin. Maaaring maging basehan rin ng pagtingin mo sa iyong sarili ang mga pangarap mo. Kung maliit lang kasi ito, maaaring sabihin na minamaliit mo ang sarili mong kakayanan. Sumasalamin din sa pagkatao natin ito. Iba ang nagagawa ng mga pangarap sa isang tao. Kaya mangarap ka. Walang masama. Wala rin namang pipigil. Siguraduhin mo lang na hindi hanggang dun na lang iyon. Magsikap ka para matupad lahat ng pinapangarap mo. :)